የቅዱስ ጊዮርጊስ ተጋጣሚ ኮት ዲኦር አዲስ አሰልጣኝ ሾሟል

የ2016 የሲሸልስ ባርክሌይ ፕሪምየር ሊግ አሸናፊ ኮት ዲኦር አዲስ አሰልጣኝ ቀጥሯል፡፡ ክለቡ የሲሸልስ ብሄራዊ ቡድን አሰልጣኝ የነበሩትን ራልፍ ጂያን ሉዊን አዲሱ የክለቡ አሰልጣኝ አድርጎ መቅጠሩ ታውቋል፡፡

በሲሸልስ እግርኳስ ስም ያላቸው ራልፍ የሲሸልስን ብሄራዊ ቡድን በጊዜያዊነት ያሰለጠኑ ሲሆን በአፍሪካ ዋንጫ ማጣሪያ ኢትዮጵያ ሲሸልስን ስትገጥም ቡድኑን በአሰልጣኝነት ከመሩ በኋላ ውላቸው በመስከረም ወር መጀመሪያ ላይ በመጠናቀቁ ነበር ከሃላፊነት የተነሱት፡፡  አሰልጣኙ በ2016ቱ የቻምፒየንስ ሊግ ቅድመ ማጣሪያ በቅዱስ ጊዮርጊስ በድምሩ 4-1 የተረታው የሴንት ሚሸል አሰልጣኝም ነበሩ፡፡ 

ራልፍ ከሲሸልስ የዜና አገልግሎት ጋር በነበራቸው ቆይታ በካፍ ቻምፒየንስ ሊግ ከቅዱስ ጊዮርጊስ ጋር መደልደላቸውን ምክንያታዊ ሲሉ ነበር የገለፁት፡፡  “ቅዱስ ጊዮርጊስ የማውቀው ክለብ ነው፡፡ በብሄራዊ ቡድን ቆይታዬ የኢትዮጵያ ተጫዋቾች ሲጫወቱ አይቻለው ስለዚህ ይህ ልምዴ ለዝግጅታችን ግብአት ይሆናል” ብለዋል፡፡

ከፈረንጆቹ አዲስ አመት በኃላ ኮት ዲኦር ጠንካራ የስድስት ሳምንት ልምምድ ለማድረግ አቅዷል፡፡ በታሪኩ ለሁለተኛ ግዜ በቻምፒየንስ ሊጉ የሚሳተፈው ክለቡ አዳዲስ ተጫዋቾችንም ለማስፈረም እንደሚመለምልም ለማወቅ ተችሏል፡፡

ኮት ዲኦር በ2015 ካፍ ኮንፌድሬሽን ዋንጫ ቅድመ ማጣሪያ ደደቢትን ገጥሞ 5-2 መሸነፉ የሚታወስ ነው፡፡ ቅዱስ ጊዮርጊስም ከወዲሁ ወደ 1ኛ ዙር የማለፍ ቅድመ ግምቱ በሰፊው ተሰጥቶታል፡፡

ኦምና ታደለ
Follow Me

ኦምና ታደለ

ይህንን ፅሁፍ ያቀረብኩላችሁ ኦምና ታደለ ነኝ
ከፎቶው በታች ያለው የፌስቡክ እና ትዊተር ምልክት ተጭነው ሊያገኙኝ ይችላሉ
ኦምና ታደለ
Follow Me

3 Comments Posted

    • ሰሞኑን በተፈጠሩ መጠነኛ እክሎች ምክንያት ድረ-ገጻችን ላይ የሚለቀቁ ዘገባዎች ቀንሰዋል፡፡ ለዚህም ይቅርታ እንጠይቃለን፡፡ አሁን ከዚህ ቀደሙ በተሻለ በርካታ መረጃዎችን በድረ-ገጻችን ላይ እንደምንለቅ ቃል እንገባለን፡፡
      እናመሰግናለን

      • thanks Abrham keep up the good work i hope one day we will see you guys on tv shows..and who knows may be live matchs..keep working hard.

Leave a Reply

Your email address will not be published.


*


Motor Racing League plugin by Ian Haycox