የኢትዮጵያ እግርኳስ ፌዴሬሽን ከጣሊያኑ ኤሪያ ጋር የትጥቅ አቅርቦት ውል ተፈራረመ

የኢትዮጵያ እግርኳስ ፌዴሬሽን መቀመጫውን ፓርማ ካደረገው የስፖርት ትጥቅ አምራች ኩባንያ ኢርያ ጋር የትጥቅ አቅርቦት ውል ተፈራርሟል፡፡

የፌዴሬሽኑ የፅህፈት ቤት ኃላፊ አቶ ወንድምኩን አላዩ እንዲሁም የፌዴሬሽኑ የፋይናንስ ኃላፊ አቶ ነብዩ እና ኮሎኔል አምሳሉ ወደ ጣልያን በማቅናት ከኩባንያው ጋር ለአንድ ሳምንት ባደረጉት ድርድር ከስምምነት ላይ የደረሱ ሲሆን ለቀጣዮቹ 2 አመታትም የኢትዮጵያ ብሄራዊ ቡድን የኢሪያ ትጥቆችን ለብሶ ወደ ሜዳ የሚገባ ይሆናል፡፡

ፌዴሬሽኑ ለትጥቅ አቅርቦቱ በአመት 90 ሺህ ዩሮ ክፍያ የሚፈጽም ሲሆን ኩባንያው ደግሞ የኢትዮጵያ ብሄራዊ ቡድን በሁሉም የእድሜ እርከኖች እና ሁለቱም ጾታዎች የሚጠቀምባቸውን ትጥቆች በሶስት አይነት ቀለማት ለማቅረብ ተስማምቷል፡፡

 

ኩባንያው ያዘጋጀው የብሄራዊ ቡድኑ ትጥቅ ይህንን ይመስላል፡-

PicsArt_1468497157457

1ኛ መለያ – አረንጓዴ ማልያ ፣ ቢጫ ቁምጣ እና ቀይ ካልሲ

PicsArt_1468498171320

2ኛ መልያ – ቢጫ ማልያ ፣ አረንጓዴ ቁምጣ እና ቀይ ካልሲ

PicsArt_1468497284763

3ኛ መልያ – ቀይ ማልያ ፣ ቢጫ ቁምጣ እና አረንጓዴ ካልሲ

 

በ1988 የተመሰረተው ኢርያ የስፖርት ቁሳቁስ አምራች ኩባንያ መቀመጫውን ፓርማ ያደረገ ሲሆን ከዚህ ቀደም ለቅዱስ ጊዮርጊስ ትጥቆች ሲያቀርብ መቆየቱም ይታወሳል፡፡

በአሁኑ ወቅትም ለፕሪሚየር ሊጉ ክለብ ኖርዊች ሲቲ ፣ በአውሮፓ ዋንጫ የብዙዎቹን ቀልብ የገዛው አይስላንድ ብሄራዊ ቡድን ፣ ፔስካራ ፣ ፓርማ ፣ ሚልዎል እና የሩዋንዳ ብሄራዊ ቡድን የኢርያ ትጥቆችን ከሚጠቀሙ ቡድኖች መካከል ይገኙበታል፡፡

PicsArt_1468497684604

የኢትዮጵያ ብሄራዊ ቡድን ለረጅም አመታት የአዲዳስ ምርቶችን ሲጠቀም የኖረ ሲሆን በቅርቡ የአውስትራሊያው ኤኤምኤስ ክሎዚንግ የብሄራዊ ቡድኑ ትጥቅ አቅራቢ ለመሆን በድርድር ላይ እንደነበር የሚታወስ ነው፡፡

 

Team Soccer Ethiopia
Follow Me

Team Soccer Ethiopia

ይህንን ፅሁፍ ያቀረበላችሁ የሶከር ኢትዮጵያ ቡድን ነው

ከፎቶው በታች ያለው የፌስቡክ እና ትዊተር ምልክትን ተጭነው ሶከር ኢትዮጵያን ማግኘት ይችላሉ
Team Soccer Ethiopia
Follow Me

4 Comments Posted

  1. it seems ugly n boring z colors won’t go 2gether. it were better if it was z full yellow colour that z team use at chan 2013/14

  2. ስለ እውነት አያምርም!! ከከለር አመራረጥ አንስቶ አይጣጣምም። ለምሳሌ በአረንጓዴ ቲሸርት ላይ በቀይ የተጠረዘው እጄታውና አንገቱ በጣም ይደብራል። ዲዛይኑ በራሱ ደረጃውን ያልጠበቀ ነው። የነበረው የቀድሞው ሙሉ ቢጫ ያምር ነበር። ካልሆነም ሌላ የተሻለ ማሰራት ነው እንጂ ይህማ ስድብ ይመስላል። አብረው የማይሄዱ ቀለማት ለይቶ ማወቅ ሳይችል ነው እንዴ ማሊያ የሚገዛው??

Leave a Reply

Your email address will not be published.


*


Motor Racing League plugin by Ian Haycox