Soccer Ethiopia

ላልታወቀ ጊዜ የተራዘመው ፕሪምየር ሊግ የዝውውር መስኮቱ ዛሬ ይዘጋል

Share

የ2012 የውድድር ዘመን በመጀመርያው ዙር ወቅት ከነበራቸው ድክመትምና ጥንካሬም በመነሳት በሁለተኛው ዙር የተሻለ ቡድን ይዘው ለመቅረብ ክለቦች ለአንድ ወር ያህል ሲያካሂዱት የቆየው የኢትዮጵያ ፕሪምየር ሊግ የተጫዋቾች የዝውውር መስኮት ዛሬ ማምሻውን የሚዘጋ ይሆናል።

የካቲት 16 ተከፍቶ በነበረው የዝውውር መስኮት ምንም አይነት ተሳትፎ ባለማድረግ ቅዱስ ጊዮርጊስ፣ ኢትዮጵያ ቡና፣ ፋሲል ከነማ እና አዳማ ከተማ ተጠቃሽ ቡድኖች ናቸው። የተቀሩት አስራ ሁለት ቡድኖች ይነስም ይብዛም በዝውውሩ ላይ ተሳታፊ የነበሩ ሲሆን የመውረድ ስጋት ያለባቸው እንደ ወልዋሎ፣ ድሬዳዋ ከተማ እና ሀዲያ ሆሳዕና እንዲሁም ወገብ ላይ የሚገኘው ስሑል ሽረ በርከት ያሉ ተጫዋቾችን ወደ ቡድናቸው የቀላቀሉ ሆነዋል።

በሀገራችን በተከሰተው የኮሮና ቫይረስ ወረርሽኝ ስጋት ምክንያት የኢትዮጵያ እግርኳስ ፌዴሬሽን እና የፕሪምየር ሊግ ኩባንያ ትናንት በሰጡት ጋዜጣዊ መግለጫ ሊጉን ጨምሮ በኢትዮጵያ የሚደረጉ የእግርኳስ ውድድሮች ላልታወቀ ጊዜ መራዘማቸውን ማሳወቃቸው ይታወቃል።

© ሶከር ኢትዮጵያ

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top