Soccer Ethiopia

ወልዋሎዎች የሁለት ተጫዋቾች ዝውውር አጠናቀቁ

Share

ባለፈው ሳምንት አራት ተጫዋቾች ያስፈረሙት ቢጫ ለባሾቹ ሁለት ተጨማሪ ተጫዋቾች ወደ ስብስባቸው ቀላቅለዋል።

የመጀመርያው ፈራሚ የመስመር ተከላካዩ ሽመልስ ተገኝ ነው። ከሙገር ወደ መከላከያ በማምራት ለረጅም ዓመታት በጦሩ ቆይታ ያደረገው ሽመልስ ከአንድ ዓመት የከፍተኛ ሊግ ቆይታ በኋላ ወደ ፕሪምየር ሊጉ የሚመልሰውን ዝውውር ሲያደርግ ባለፈው ሳምንት ለቢጫዎቹ ከፈረመው ዓወት ገብረሚካኤል ጋር ለቦታው ቋሚ ተሰላፊነት ይፎካከራል።

ሌላው ፈራሚ አብዱልባሲጥ ከማል ነው። ባለፈው ዓመት ኢትዮጵያ ቡናን ለቆ ወደ ደደቢት በማምራት በውድድር ዓመቱ ተስፋ ሰጪ እንቅስቃሴ በማሳየት ከመሀል ሜዳ አየተነሳ አራት ግቦች ያስቆጠረው ታታሪው አማካይ ከአንድ ዓመት ቆይታ በኃላ ዳግም ወደ ፕሪምየር ሊጉ ተመልሷል።

© ሶከር ኢትዮጵያ


👉እጅዎን በተደጋጋሚ በሳሙና በአግባቡ በመታጠብ አልያም አልኮል እና ሳኒታይዘር በመጠቀም

👉ከሰዎች ጋር ንክኪ በማስወገድ

👉ከአላስፈላጊ እንቅስቃሴ በመገደብ፣ አካላዊ ርቀት በመጠበቅ እና በቤት በመቆየት ራሳችንን ከኮሮና ቫይረስ እንጠብቅ!

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top