የዳሽን ቢራ ህልውና ጉዳይ በቀጣዩ ሳምንት ይለይለታል

የዳሽን ቢራ ስፖርት ክለብ እንደ ክለብ የመቀጠሉ ወይም የመፍረሱ ጉዳይ በቅርቡ በሚጠራ ጋዜጣዊ መግለጫ ቁርጡ ይለያል ተብሏል፡፡

ዳሽን ቢራ ከፕሪሚየር ሊግ መውረዱን ተከትሎ የክለቡ እጣ ፈንታ ምን ሊሆን ይችላል በሚል የስፖርት ቤተሰቡን ሲያነጋግር መቆየቱ ይታወሳል፡፡ ሶከር ኢትዮዽያ ለክለቡ ቅርበት ካላቸው ግለሰቦች በደረሳት መረጃ ዳሽን እንደ ክለብ የመቀጠሉ ነገር አክትሞለታል ተብሏል፡፡

በክለቡ የወደፊት እጣ ፈንታ ዙርያ የክለቡ ስራ አሰኪያጅ አቶ ልዑል ፍቃዱ ለሶከር ኢትዮጵያ በሰጡት አስተያየት የክለቡ ህልውናን የተፈታተነው በፌዴሬሽኑ የውሳኔ መዘግየት እንደሆነ ተናግረዋል፡፡

አቶ ልኡል በዚህ ሳምንት ጋዜጣዊ መግለጫ በመስጠት ስለ ክለቡ ህልውና ይፋ እንደሚደረግም ተናግረዋል፡፡

አዲስ አበባ ላይ በሚሰጠው መግለጫ ክለቡ እንደሚፈርስ ይፋ ከተደረገ ከዚህ ቀደም በፕሪሚየር ሊጉ ተሳታፊ እንደነበሩት ትራንስ ኢትዮጵያ ፣ ጉና ንግድ ፣ ምድር ባቡር እና አርባምንጭ ጨርቃጨርቅ የመሳሰሉ ክለቦች ታሪክ ሆኖ ይቀራል፡፡