የኢትዮጵያ ሴቶች ብሄራዊ ቡድን ዛሬ ረፋድ ላይ በጂንጆ ከተማ የመጀመርያ ልምምዳቸውን አከናወነዋል፡፡
በታሪክ የመጀመርያ የሆነውን የሴቶች የሴካፋ ዋንጫ ተሳትፎ ለማድረግ 26 የልኩአን ቡድን በመያዝ ትላንት ወደ ዩጋንዳ ያቀኑት ሉሲዎቹ ኢንቴቤ ከደረሱ በኋላ የ120 ኪሜ አድካሚ የመኪና ላይ ጉዞ በማድረግ ጂንጆ ከተማ ቢደርሱም የጠበቃቸው የማረፊያ ክፍል አስገራሚ ነበር፡፡ ማረፊያው ደረጃውን ያልጠበቀና በአንድ ክፍል ውስጥ ከ10 በላይ መተኛዎች ያሉት ክፍል ነበር ።
በሁኔታው የተደናገጡት ሉሲዎቹ ከኢትዮዽያ እግር ኳስ ፌዴሬሽን ጋር ግንኙነት በመፍጠር አፈጣኝ መልስ አግኝተው ማዳ የተሰኘ ሆቴል በጊዜያዊነት አርፈዋል፡፡
ሁሌም በሚያዘጋጃቸው ውድድሮች እንከን የማያጣው ሴካፋ ለመጀመርያ በሚካሄደው የሴካፋ ዋንጫ ተመሳሳይ ግድፈቶች እየተስተዋለበት ይገኛል፡፡
ሉሲዎቹ ዛሬ ረፋድ ላይ የመጀመርያ ልምምዳቸውን ያከናወኑ ሲሆን ቀለል ያሉ ልምምዶች የመርሐግብራቸው አካል ነበር፡፡
ብሄራዊ ቡድናችን የመጀመርያ የምድብ ጨዋታ አራፊ በመሆናቸው የመጀመርያ ጨዋታቸውን የፊታችን ረቡዕ ከሩዋንዳ ሴቶች ብሄራዊ ቡድን ጋር የሚያደርጉ ይሆናል፡፡
ለመረጃዎች እና ፎቶዎች የተባበረን ጋዜጠኛ ዳግም ዝናቡን እናመሰግናለን፡፡
[socialpoll id=”2385802″]
[socialpoll id=”2385807″]
