ለ18ኛ ጊዜ የሚደረገው የአዲስ አበባ ከተማ ዋንጫ በስድስት የፕሪምየር ሊግ ክለቦች መካከል ከፊታችን ማክሰኞ አንስቶ ይደረጋል።
በየዓመቱ የሚካሄደው የአዲስ አበባ ከተማ ዋንጫ ዘንድሮም በስድስት የፕሪምየር ሊግ ክለቦች መካከል እንደሚደረግ ሲታወቅ ፤ በዛሬው ዕለትም በራስ አምባ ሆቴል የዕጣ ማውጣት ስነስርዓቱ ተከናውኗል።
በዕጣ ማውጣት ስነስርዓት ላይ እንደተገለፀው ውድድሩ በአምስት የመዲናዋ ክለቦች እና በአንድ ተጋባዥ ቡድኖች መካከል ከፊታችን ማክሰኞ ነሃሴ 28 አንስቶ እስከ ጳጉሜ 5 ድረስ ለተከታታይ ስምንት ቀናት እየተደረገ እንደሚቆይ የከተማው ወጣቶች እና ስፖርት ቢሮ መረጃ ያመላክታል።
ውድድሩ በሁለት ምድቦች ተከፍሎ የሚደረግ ሲሆን በምድብ አንድ ኢትዮ ኤሌክትሪክ ፣ ኢትዮጵያ መድን እና ተጋባዡ ፋሲል ከነማ ሲደለደሉ በምድብ ሁለት ደግሞ ኢትዮጵያ ንግድ ባንክ ፣ መቻል እና ኢትዮጵያ ቡና መደልደላቸው ሲገለፅ ውድድሩም በአበበ ቢቂላ እና በአዲስ አበባ ስታዲየም እንደሚከናወንም ጭምር ተገልጿል።
