አዞዎቹ ዐፄዎቹን በማሸነፍ ተከታታይ ድላቸውን ካስመዘገቡበት ጨዋታ መጠናቀቅ በኋላ የሁለቱ ቡድን አሰልጣኞች ከሶከር ኢትዮጵያ ጋር በነበራቸው ቆይታ ተከታዩን አስተያየት ሰጥተዋል።
አሰልጣኝ በረከት ደሙ – አርባምንጭ ከተማ
”በተገቢው ሰዓት ጎል ማግኘታችን ጠቅሞናል። ሁለት ሦስት አግብተን ጨዋታውን መግደል የምንችልበትን አጋጣሚዎች አልተጠቀምንም። የአቅም ችግር የለብንም ብለን ስለምናምን የአዕምሮ ዝግጁነታችን ላይ በደንብ ሠርተን በመምጣታችን ወደአሸናፊነት ተመልሰናል።”
አሰልጣኝ ውበቱ አባተ – ፋሲል ከነማ
”ከባድ ጨዋታ ነበር። ጨዋታውን ለመቆጣጠር ወደ ጨዋታ ለመግባት ሞክረናል ግን ያን ያህል አመርቂ አልነበረም። የሚቻለንን ነገር ለማድረግ ጥረት አድርገናል ፋሲልን በዘንድሮው ዓመት ባለው ስብስብ ለዋንጫ መጠበቅ ከባድ ነው።”
