በምሽቱ መርሃግብር ድሬዳዋ ከተማ በመስዑድ መሐመድ የጭማሪ ደቂቃ የፍፁም ቅጣት ምት ጎል ሀዋሳ ከተማን 1ለ0 ከረቱበት ጨዋታ መጠናቀቅ በኋላ ሁለቱ አሰልጣኞች ከሶከር ኢትዮጵያ ጋር ቆይታን አድርገዋል።
አሰልጣኝ ዘርዓይ ሙሉ – ሀዋሳ ከተማ
“ጨዋታው እጅግ በጣም ጥሩ ጨዋታ ነበር ፣ እነርሱም ሽንፈት ውስጥ ቆይተው ነበር የመጡት እኛም ሁለት ተሸንፈናል እንደታየው ነው ባለቀ ሰዓት ላይ በተሰጠው የፍፁም ቅጣት ምት አሸናፊ ሆነዋል። ቡድናችን ዛሬ ሽንፈቱ አይገባውም ልጆቹ መስዋዕትነት ከፍለዋል ከዚህ በላይ ምንም ማድረግ አይቻልም።”
አሰልጣኝ ይታገሱ እንዳለ – ድሬዳዋ ከተማ
“ጨዋታው ካለፉት ሁለት እና ሦስት ጨዋታዎች ይሄ የተሻለ ነበር። በሁሉም ነገር በተቻለ መጠን ጫናን ለማሳደር ሞክረናል ፣ ፍላጎታቸው ጥሩ ነበር።”
