ሀዲያ ሆሳዕና በተመስገን ብርሃኑ ብቸኛ ግብ ኢትዮጵያ ቡናን በማሸነፍ ተከታታይ ድል ካስመዘገበበት ጨዋታ መጠናቀቅ በኋላ አሰልጣኞቹ ከሶከር ኢትዮጵያ ጋር ቆይታ አድርገዋል።
አሰልጣኝ ግርማ ታደሰ – ሀዲያ ሆሳዕና
”ትልቁ ነገራችን ለማሸነፍ ይዘን የመጣንበት መንገድ በጣም ጥሩ ነው ብዬ ነው ማስበው። ከባለፈው የተሻለ ነገር ይዘን ነው የቀረብነው በሚገባ ተቆጣጥረናቸዋል። የኛ የመከላከል ጨዋታችን በጣም ጠንካራ ነው። የተለየ የአጨዋወት ዘይቤ የለንም። በጣም ብዙ ነገር ይቀራል ብዙ ክፍተቶች አሉብን እንደክለብ።”
አሰልጣኝ ነፃነት ክብሬ – ኢትዮጵያ ቡና
”ጨዋታውን ለመቆጣጠር ሞክረን ነበር። በዳኛ ውሳኔ ደስተኛ አልነበረንም፤የጨዋታው ውጤት የሚቀይሩ አይነት ውሳኔዎች ነበሩ። ተጋጣሚው ወርዶ ሜዳውን ዘግቶብናል የኛ ተጫዋቾች ስፔስ ይፈልጋሉ። አሁንም ጥሩ ነው ይሄን ነገር አስቀጥለን እድሎችን መፍጠር ነው።”
