የኮፓ ኮካ ኮላ ከ15 አመት በታች ማጠቃለያ ውድድር ዛሬ ተጀመረ

ኮካ ኮላ ከኢትዮጵያ እግርኳስ ፌዴሬሽን ጋር በመተባበር የሚያዘጋጀው የኮፓ ኮካ ኮላ ከ15 አመት በታች የማጠቃለያ ውድድር ዛሬ ተጀምሯል፡፡

ከነሀሴ 20 እስከ ጳጉሜ 1 ቀን 2008 በቢሾፍቱ ከተማ የሚደረገው ውድድር የእጣ ማውጣት ስነ ስርአት ዛሬ ጠዋት የተካሄደ ሲሆን በውድድሩ ሒደት ዙርያ ውይይትም ተደርጓል፡፡

በሁለቱም ፆታ የተደረገው ድልድል ይህን ይመስላል፡፡

ወንዶች

ምድብ ሀ

አዲስ አበባ ፣ ድሬዳዋ ፣ ኦሮምያ ፣ ቤኒሻንጉል ጉሙዝ

ምድብ ለ

ሀረሪ ፣ አማራ ፣ ኢትዮ ሶማሌ

ምድብ ሐ

አፋር ፣ ጋምቤላ ፣ ደቡብ

ሴቶች

ምድብ ሀ

ኢትዮ ሶማሌ ፣ ኦሮምያ ፣ ደቡብ ፣ አፋር

ምድብ ለ

ጋምቤላ ፣ ሐረሪ ፣ ቤንሻንጉል ጉሙዝ

ምድብ ሐ

ድሬዳዋ ፣ አዲስ አበባ ፣ አማራ

ከየምድባቸው 1 ደረጃ ያገኙ ክልሎች ወደ ግማሽ ፍጻሜ ሲያልፉ በጥሩ 2ኝነት የሚያጠናቅቅ አንድ ክልል ግማሽ ፍጻሜውን ይቀላቀላል፡፡

የማጠቃለያ ውድድሩ ይፋዊ የመክፈቻ ስነ ስርአት ነገ የሚደረግ ሲሆን ዛሬ የሴቶች ውድድሮች ተጀምረዋል፡፡

07:30 ለምለም ተስፋ ሜዳ ላይ ጋምቤላ ከ ሐረር ያደረጉት ጨዋታ በጋምቤላ የበላይነት ተጠናቋል፡፡ ሐረር በፎዚያ ሰኢድ የ8ኛ ደቂቃ ግብ ቀዳሚ መሆን ቢችሉም ኝቦኝ የም በ19 እና 65ኛው ደቂቃ ባስቆጠረቻቸው ግቦች ጋምቤላን ወደ መሪነት አሸጋግራለች፡፡ ዮዲት ልኡልሰገድ በ74ኛው ደቂቃ ሐረርን አቻ ስታደርግ አርያት ኡኮት በ76 እና 80ኛው ደቂቃ አከታትላ ባስቆጠረቻቸው ግቦች ጋምቤላን መሪ አድርጋለች፡፡ በመጨረሻም መደበኛው 80 ደቂቃ ተጠናቆ በጭማሪው ሁለተኛ ደቂቃ ኝቦኝ የም ሐት-ትሪክ የሰራችበትን ግብ ከመረብ አሳርፋ ደምቃ ውላለች፡፡ ጨዋታውም በጋምቤላ 5-2 አሸናፊነት ተጠናቋል፡፡