ፕሪምየር ሊግ | በኢትዮጵያ ቡና እና ቅዱስ ጊዮርጊስ ላይ የገንዘብ ቅጣት ተጣለ

የኢትዮጵያ እግርኳስ ፌዴሬሽን ዲሲፕሊን ኮሚቴ በሸገር ደርቢ ላይ በተፈጠሩ የስፖርታዊ ጨዋነት ጉድለቶች ተጠያቂ ያደረጋቸው ኢትዮጵያ ቡና እና ቅዱስ ጊዮርጊስ ላይ የገንዘብ ቅጣት ውሳኔ አስተላልፏል፡፡

ሚያዝያ 7 ተደርጎ በነበረው የቅዱስ ጊዮርጊስ እና ኢትዮጵያ  ቡና ጨዋታ ላይ የሁለቱንም ክለብ መለያ የለበሱ ደጋፊዎች ድንጋይ እና ቁሳቁሶች መወርወራቸው በጨዋታው ኮሚሽነር ሪፖርት በመቅረቡ የዲሲፕሊን ኮሚቴው ሁለቱን ክለቦች እያንዳንዳቸው 40,000 ብር ቅጣት ጥሎባቸዋል፡፡ ፌዴሬሽኑ በቅጣት ማብራርያው ላይ ጨምሮ እንደገለጸው የኢትዮጵያ ቡና ደጋፊዎች የቅዱስ ጊዮርጊሱ አዳነ ግርማን  “በፅሁፍ ለመግለጽ የሚከብዱ” ስድቦችን በመሰንዘራቸው ክለቡ ተጨማሪ 75,000 ብር ተቀጥቷል፡፡

አዳማ ላይ ከአዳማ ከተማ ጋር በተደረገው ጨዋታ በተፈጠረው ተመሳሳይ ተግባር መነሻነት ክለቡ ደጋፊዎችን የማስተማር ስራ እንዲሰራ ቢገለፅም በበቂ ሁኔታ ባለማከናወኑ በ30 ቀናት ውስጥ ደጋፊውን የማስተማር ስራ በማከናወን ሪፖርት እንዲያደርግ ፌዴሬሽኑ አሳስቧል፡፡

5 Comments

  1. kitatu tikilim new tikilm ayidelem 1 tikil new yalikut dingey teweriwro kahon kazihim baley mekatetet alebechew. 2 kitatu tikikl yidelem yalikubet mikinyat tesedebu tebilo yemiketu kahone tikikl ayidelem lamisale Figon wisedut yebarsa degef endet endemisedebu neger gin sidibu zeregninat kahon,hayimenot kahon meketet tikil new. bedifinu tesedu tebilo yemiketa kahon federeshenu erasu meketet alebet.

  2. ልክ ቡና ወደ ማሸነፍ እና ወደ ዋንጫ ፍልሚያው ተጠናክሮ ሲመጣ ጠብቀው እንዲህ አይነት የተረገመ ውሳኔ ያስተላልፋሉ፡፡

  3. በኛ አገር የእግር ኳስ ደጋፊ ሳይሆን በስሜት የሚነዳ ስሜታዊ ተመልካች ነዉ ያለዉ፣ በዉኑ የቡናና የግዮርግስ ደጋፊዎች መቼ ነዉ መከባበርን የሚማሩት?

  4. እረ እባካችሁ ትንሽ የሚያመዛዝን አእምሮ ይኑራችሁ
    ፌደሬሽኑ እየተመራ ያለዉ ፈፅሞ እግርኳስን በማያዉቁ እና ለእግርኳስ ፍቅር በሌላቸዉ ግለሰቦች እንደሆነ ግልፅ ነዉ፡፡
    የፌደሬሽኑን አላዋቂነት በመጠቀም አንዳንድ ጋዜጠኞች ነገሮችን በማጮሕ በርካታ ጊዜ ፌደሬሽኑን እጅ እየጠመዘዙ ዉሳኔ ሲያሶስኑ አይተናል፡፡ይሕም ዉሣኔ የነሡ ዉጤት ነዉ፡፡
    እነዚሕ ጋዜጠኞች ያሁሉ የኢትዮጵያ ቡና ደጋፊ ሲሰደብ ዝም ጭጭ ነበር ያሉት፡፡
    በተለይም ለጊዮርጊስ ስለተሠጠዉ የማይሠጥ ፔናሊቲ አንድም ጋዜጠኛ ስለ እዉነት አልመሠከረም፡፡
    በአብዛኛዉ የሚጠመዱት እግርኳሳዊ በሆኑ ጉዳዮች ላይ ሳይሆን ኢ እግርኳሳዊ በሆኑ ነገሮች ላይ ነዉ፡፡
    ይሕ ደሞ አላዋቂዉ እና አድሏዊዉ ፌዴሬሽን በነሡ ወሬ በቀላሉ ተፅእኖ ዉስጥ ይወድቃል፡፡
    ጋዜጠኞች ሆይ ስራችሁ እስከየት ድረስ እንደሆነ እና ምን እንደሆነ እወቁ፡፡
    የፌደሬሽን ሀላፊዎች ሆይ እባካችሁ ቦታችሁን ኳስ እና ኳስ ብቻ ለሚያቁ እና ለሚያፈቅሩ አካላት ስልጣናችሁን አስረክቡ፡፡

  5. This kind of punishment should be applied to Siddama Bunna club, as a result of thire fans unwanted act on Hawassa city fans & Mulugeta Mihiret at Hawassa stadium during week 23 Premerlge mach.

Leave a Reply