ለሁለተኛ ጊዜ የሚደረገው የኢትዮጵያ ከ20 አመት በታች ፕሪምየር ሊግ የ2010 የውድድር ዘመን በሁለት ምድቦች ተከፍሎ ይደረጋል። በዛሬው እለትም የመክፈቻ ጨዋታዎች በአሰላ እና ሶዶ ተካሂደዋል።
ከምድብ ሀ አሰላ ላይ በተደረገ ጨዋታ ለመጀመርያ ጊዜ በውድድሩ ላይ የተሳተፈው ጥሩነሽ ዲባባ አካዳሚ ሌላው የውድድሩ አዲስ ቡድን የሆነው ጭላሎ ፉድ ኮምፕሌክስን አስተናግዶ 1-0 በሆነ ውጤት ማሸነፍ ችሏል።
ከምድብ ለ ሶዶ ላይ ከ17 አመት በታች ጨዋታ ቀጥሎ 10:00 ላይ በተካሄደ የአምናው የውድድሩ ቻምፒዮን ሀዋሳ ከተማ ከ ወላይታ ድቻ 1-1 ተለያይተዋል። ሀዋሳዎች በ16ኛው ደቂቃ ጌትነት አየለ ባስቆጠራት ጎል መሪ መሆን ቢችሉም ወላይታ ድቻዎች በሁለተኛው አጋማሽ ክብሩ በለጠ ባስቆጠረው ጎል አቻ ተለያይተዋል።
ምድብ ሀ
ዕሁድ ጥር 13 ቀን 2010
ኢትዮጵያ ቡና ከ አዳማ ከተማ (ኦሜድላ ሜዳ)
ኢ/ወ/ስ አካዳሚ ከ መከላከያ (አካዳሚ ሜዳ)
ድሬዳዋ ከተማ ከ ኢትዮጵያ መድን (ድሬዳዋ)
ምድብ ለ
ቅዱስ ጊዮርጊስ ከ ሲዳማ ቡና (24 ሜዳ)
አዲስ አበባ ከተማ ከ ኢትዮ ኤሌክትሪክ (ኤሌክትሪክ ሜዳ)
አራፊ – ደደቢት
