በ2020 የቶኪዮ ኦሊምፒክ ማጣርያ አካል በሆነውና በግብፅ አስተናጋጅነት ለሚካሄደው የአፍሪካ ከ23 ዓመት በታች ዋንጫ ማጣርያ ላይ ተሳታፊ የነበረው የኢትዮጵያ ኦሊምፒክ ቡድን በአንደኛው ዙር ማጣርያ የመልስ ጨዋታ በማሊ 5-1 ድምር ውጤት ተሸንፎ ከማጣርያው ውጪ ሆኗል።
ባሳለፍነው ሐሙስ አዲስ አበባ ስታድየም ላይ 1-1 ተለያይቶ ወደ ባማኮ ያመራው ብሔራዊ ቡድኑ ዛሬ ምሽት ባደረገው ጨዋታ 4-0 ተሸንፏል። በ39ኛው ደቂቃ ወንድሜነህ ደረጀ በጎውኔ ዲያንጋዱ ላይ በሰራው ጥፋት የተገኘችውን የፍፁም ቅጣት ምት አጥቂው ዲያዴ ዲያአንካ ወደ ጎልነት ለውጧት በማሊ 1-0 መሪነት የመጀመርያው አጋማሽ ሲጠናቀቅ ዲያዴ ዲአንካ በድጋሚ በጨዋታ በ82ኛው ደቂቃ ላይ ሁለተኛውን አክሏል። በጭማሪው ደቂቃ ላይ ደግሞ አሌይ ማሌ እና አብዱላይ ዲያቤ ተጨማሪ ግብ አክለው ጨዋታው 4-0 የተጠናቀቀ ሲሆን በድምሩ 5-1 በሆነ አጠቃላይ ውጤት ኢትዮጵያ ተሸንፋ ከማጣሪያው ውጪ ሆናለች፡፡
ማሊ በቀጣይ የማጣርያ ዙር ካሜሩንን የምትገጥም ይሆናል።
© ሶከር ኢትዮጵያ
በድረ-ገጻችን ላይ የሚወጡ ጽሁፎች ምንጭ ካልተጠቀሱ በቀር የሶከር ኢትዮጵያ ናቸው፡፡ እባክዎ መረጃዎቻችንን በሚጠቀሙበት ወቅት ምንጭ መጥቀስዎን አይዘንጉ፡፡
