ላለፉት ሳምንታት በኤርትራ አዘጋጅነት ሲካሄድ የቆየው የሴካፋ ከ15 ዓመት በታች ውድድር ዛሬ ሲጠናቀቅ ዩጋንዳ የዋንጫ አሸናፊ ሆናለች። ሩዋንዳ ደግሞ ሦስተኛ ደረጃ ይዛለች።
ቀድሞ 7:30 የተካሄደው የብሩንዲ እና ሩዋንዳ የደረጃ ጨዋታ ሲሆን መደበኛው የጨዋታ ክፍለ ጊዜ አንድ ለአንድ ተጠናቆ ወደ መለያ ምት በማምራት ሩዋንዳ 4-2 በማሸነፍ ሦስተኛ ደረጃ ይዛ ማጠናቀቅ ችላለች።
ቀጥሎ የተካሄደውና 10:00 የተጀመረው የፍፃሜው ጨዋታ በዩጋንዳ እና ኬንያ መካከል ተከናውኖ ዩጋንዳ ከፍፁም ብልጫ ጋር 4-0 በማሸነፍ ለመጀመርያ ጊዜ የተዘጋጀው ዋንጫ ተሸላሚ ሆናለች። የዩጋንዳ ጎሎች የተቆጠሩት በኦግዋ ዴቪስ ፣ ትራቪስ ሙታይባ እና ኬዩኔ አባስ (2) ነው።
የኤርትራው ተመስገን ተስፋይ ግምት አግኝቶ ከነበረው የዩጋንዳው ትራቪስ ሙታይባ በመብለጥ የውድድሩ ኮከብ ተጫዋች ሆኖ ተሸልሟል።
© ሶከር ኢትዮጵያ
