Soccer Ethiopia

ላለፉት ቀናት በሌሶቶ ጥሩ ያልሆነ ቆይታ የነበራቸው ዋሊያዎቹ ከደቂቃዎች በፊት በሠላም አዲስ አበባ ገብተዋል።

ከጥቂት ቀናት በፊት ለኳታር የዓለም ዋንጫ ቅድመ ማጣርያ ሌሶቶን ለመግጠም ወደ ማሴሩ አምርተው እሁድ ዕለት ጨዋታውን ካካሄዱ በኋላ በተፈጠሩ የአሰራር ክፍተቶች በሀገሪቱ ለመቆየት ተገደው የብዙዎች መነጋገርያ ሆነው የነበሩት ዋሊያዎቹ ከጥቂት ደቂቃዎች በፊት ቦሌ አየር ማረፍያ ደርሰዋል።

ከጨዋታው በኋላ ከትኬት ጋር በተያያዘ የፌዴሬሽኑ የአሰራር ክፍተት እና በአየር ማረፍያ በተፈጠረው መስተጓጎል በአየር ማረፊያው ወንበሮች ላይ ለማደር ተገደው የነበሩት የብሔራዊ ቡድኑ አባላት ከሰዓታት በኋላ በዋቢ ሸበሌ ሆቴል የእራት ግብዣ እንደሚደረግላቸው ለማወሽ ተችሏል።

ፌደሬሽኑ ከአንድ ቀን በፊት ጉዞው አስመልክቶ እና ስለተፈጠረው ሁኔታ ለብዙዎች ግልፅ ያልሆነ ማብራሪያ በይፋዊ ድረ ገፁ መስጠቱ ይታወሳል።


© ሶከር ኢትዮጵያ

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top