Soccer Ethiopia

ኢሳይያስ ጂራ ለሴካፋ ምክትል ፕሬዝዳንትነት ይወዳደራሉ

Share

የኢትዮጵያ እግር ኳስ ፌዴሬሽን ፕሬዝዳንት አቶ ኢሳይያስ ጂራ ሴካፋን በምክትል ፕሬዝዳንትነት ለመምራት ከሌሎች ተፎካካሪዎች ጋር ለምርጫ ይወዳደራሉ፡፡

የሴካፋ ዓመታዊ ጠቅላላ ጉባዔ የፊታችን ረቡዕ በዩጋንዳ መዲና ካምፓላ ይደረጋል፡፡ በጉባዔው ላይ በሴካፋ ውድድሮች በታዩ ጠንካራ እና ደካማ ጎኖች ላይ ከመወያየት ባለፈ በተጓደሉ አባላት ምትክ ምርጫ የሚደረግ ይሆናል፡፡ ከነዚህ መካከል ለቀጣዮቹ አራት ዓመታት ሴካፋን በምክትል ፕሬዝዳንትነት ለመምራት በሚደረገው ምርጫ ላይ የኢትዮጵያ እግር ኳስ ፌድሬሽን ፕሬዝዳንት ኢሳይያስ ጅራ ቦታውን ለመያዝ በምርጫው እንደሚካፈሉ ታውቋል፡፡ ፕሬዝዳንቱ ለምርጫው በቂ ዝግጅት ሲያደርጉ እንደነበር የገለፁ ሲሆን በምርጫው የሚሳካላቸው ከሆነም ለኢትዮጵያ አንድ እድገት መሆኑን ለሶከር ኢትዮጵያ ገልፀዋል፡፡


© ሶከር ኢትዮጵያ

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top