Soccer Ethiopia

የሴቶች ፕሪምየር ሊግ አንደኛ ዙር ግምገማ በቀጣዩ ሳምንት ይደረጋል

Share

የኢትዮጵያ ሴቶች ፕሪምየር ሊግ አንደኛው ዙር ግምገማ በቀጣዩ ሳምንት ቅዳሜ የሚደረግ ሲሆን መጋቢት 23 ደግሞ ሁለተኛው ዙር ይጀመራል፡፡

አስራ አንድ ክለቦችን ተካፋይ የሚያደርገው የ2012 የኢትዮጵያ ሴቶች ፕሪምየር ሊግ አንደኛ ዲቪዚዮን ውድድር የፊታችን ዕሁድ በሚደረግ አንድ ቀሪ ጨዋታ የመጀመሪያውን ዙር ያጠናቀቃል፡፡ ይህንንም ተከትሎ በአንደኛው ዙር የነበሩት አጠቃላይ ደካማ እና ጠንካራ ጎን ጨምሮ የውድድሩ ሙሉ ሒደት የሚገመግም የውይይት መድረክ በቀጣዩ ሳምንት ቅዳሜ መጋቢት 12 ከ3:00 ጀምሮ በኢትዮጵያ ሆቴል የክለብ ተወካዮች በመገኘት እንደሚያካሂዱ የሴቶች ልማት ኮሚቴ እና ውድድር ዳይሬክቶሬት ለክለቦች በላከው ደብዳቤ ገልጿል፡፡

በተያያዘም የአንደኛ ዲቪዚዮን የፕሪምየር ሊግ ውድድር ሁለተኛው ዙር መጋቢት 23 የሚጀመር ሲሆን አስር ክለቦችን ተሳታፊ የሚያደርገው የሁለተኛ ዲቪዚዮን ሁለተኛ ዙር መጋቢት 19 እንደሚጀምር ከፌዴሬሽኑ ያገኘነው መረጃ ይጠቁማል፡፡

© ሶከር ኢትዮጵያ

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top