Soccer Ethiopia

የጅማ አባጅፋር ቦርድ በአሰልጣኙ ቆይታ እና የውጪ ተጫዋቾች ዙርያ ውሳኔ አሳልፏል

Share

በዛሬው ዕለት የጅማ አባጅፋር የቦርድ አመራር ባደረገው ውይይት አሰልጣኝ ጳውሎስ ጌታቸው እንዲቀጥሉ እንዲሁም ሌሎች ጉዳዮች ላይ ውሳኔ አሳልፏል፡፡

የክለቡ ፕሬዝዳንት አቶ አጃይብ አባሜጫ ለሶከር ኢትዮጵያ እንደገለፁት ረፋድ ላይ በነበረው የቦርድ አባላት ውይይት ላይ የገንዘብ ችግሮችን ለመፍታት ወጪ የመቀነስ እንዲሁም የገቢ ማሰባሰቢያ ሥራዎች በቅርቡ መሰራት እንጂምሩ የተወሰነ ሲሆን ወደ ፕሪምየር ሊጉ ካደገ ጊዜ ጀምሮ ክለቡ በርካታ ወጪዎችን በማውጣት የውጪ ሀገር ተጫዋቾችን ወደ ክለቡ ሲያመጣ እንደቆየ አውስተው ከዘንድሮው ዓመት ጀምሮ ግን ክለቡ የውጪ ተጫዋቾችን ከመጠቀም ይልቅ በሀገር ውስጥ ባሉ ተጫዋቾች ላይ ትኩረት ለማድረግ ወስኗል። በጅማ እና አካባቢዋ ላይ ያሉ ጥሩ ጥሩ ተጫዋቾችን በስፋት ለመጠቀም ከድምዳሜ ተደርሷልም ብለዋል፡፡

ሌላው እና ዋናው በአሁኑ ሰዓት ለሰበታ ከተማ ዋና አሰልጣኝነት እየተወዳደሩ የሚገኙት እና አምና ክለቡን በኮቪድ 19 እስኪቋረጥ ሲመሩ የነበሩት አሰልጣኝ ጳውሎስ ጌታቸው እንዲቀጥሉ ወስነው መውጣታቸውን አቶ አጃይብ አያይዘው ገልጸዋል፡፡

© ሶከር ኢትዮጵያ


👉ሳንዘናጋ አስፈላጊውን ጥንቃቄ በማድረግ ራሳችንን ከኮሮና ቫይረስ እንጠብቅ!

ሶከር ኢትዮጵያ

ሶከር ኢትዮጵያ በ ‘አብርሀም ገ/ማርያም የማስታወቂያ ድርጅት’ ስር የሚሰራ ድረገፅ ሲሆን በኢትዮጵያ እግርኳስ ላይ በሚያተኩሩ ዜናዎች፣ ቁጥራዊ መረጃዎች፣ ታሪኮች፣ ጥልቅ ዘገባዎች፣ አስተያየቶች እና ትንታኔዎች ላይ ትኩረቱን ያደርጋል።

ዘርፍ

ማኅደር

top