አሰላለፍ እና ወቅታዊ መረጃዎች | ሀዋሳ ከተማ ከ ሲዳማ ቡና

የሦስተኛ ሳምንት የሊጉ ጨዋታዎች የመክፈቻ መርሐ-ግብርን የተመለከቱ ወቅታዊ መረጃዎች እንዲህ ተሰናድተዋል።

በሊጉን የመክፈቻ ጨዋታ ጅማን ካሸነፉ በኋላ በሁለተኛው ሳምንት በወላይታ ድቻ የተረቱት ባለሜዳዎቹ ሀዋሳ ከተማዎች ሦስት ነጥብ ካስረከቡበተ ፍልሚያ አራት ተጫዋቾችን ለውጠዋል። በዚህም ግብ ጠባቂው ዳግም ተፈራን ጨንሮ አዲስ ዓለም ተስፋዬ፣ መድሃኔ ብርሃኔ እና ዳዊት ታደሠ ሲያርፉ ለመጀመሪያ ጊዜ ክለቡን ለማገልገል የመጀመሪያ አሰላለፍ ውስጥ የገባው መሐመድ ሙንታሪ፣ ዳንኤል ደርቤ፣ ዮሐንስ ሴጌቦ እና በቃሉ ገነነ ወደ ሜዳ ገብተዋል። ከጨዋታው መጀመር በፊት የቀድሞ ክለባቸውን የሚገጥሙት አሠልጣኝ ዘርዓይ ሙሉ በደርቢው ጨዋታ ከፍተኛ ፉክክር እንደሚታይበት ገምተው ቡድናቸው ከጨዋታ ጨዋታ እድገት እያሳየ እንደሆነ አመላክተዋል።

ድሬዳዋ ከተማን በሁለተኛ ሳምንት አሸንፈው ለዛሬው ጨዋታ የቀረቡት ሲዳማ ቡናዎች ደግሞ ተከላካያቸው ጊት ጋትጉትን በተስፋዬ በቀለ ብቻ ተክተው ጨዋታውን ለማድረግ ሜዳ ደርሰዋል። አሠልጣኝ ገብረመድህን ኃይሌም በቅድመ ጨዋታ አስተያየታቸው ሀዋሳ ከተማ ጥሩ ቡድን መሆኑን ገልፀው የሚገባቸውን ክብር ሰጥተው ወደ ሜዳ እንደሚገቡ አመላክተዋል።