አሰላለፍ እና ወቅታዊ መረጃዎች | ፋሲል ከነማ ከጅማ አባጅፋር

ከደቂቃዎች በኋላ የሚጀመረውን ጨዋታ የተመለከቱ ወቅታዊ መረጃ እንደሚከተለው ቀርበዋል።

ሁለት ተከታታይ ጨዋታዎችን አሸንፈው ለዛሬው ፍልሚያ የቀረቡት ዐፄዎቹ ሦስት ነጥብ ከሸመቱበት የወልቂጤው ጨዋታ ሁለት ለውጦችን አድርገዋል። በዚህም ጉዳት ያስተናገዱት ሱራፌል ዳኛቸው እና ሰዒድ ሀሰን በአምሳሉ ጥላሁን እና አብዱልከሪም መሐመድ ተለውጠዋል።

እስካሁን አንድም ነጥብ ያላስመዘገቡት ጅማ አባጅፋሮች በበኩላቸው በአዳማ ከተማ ከተሸነፉበት የመጀመሪያ አሰላለፍ ላይ አራት ለውጦችን አድርገዋል። በዚህም በግብ ብረቶቹ መሐከል የሚቆመው ታምራት ዳኜን በዮሐንስ በዛብህ፣ አሳህሪ አልማዲን በማላ፣ ሱራፌል አወልን በአስናቀ ሞገስ እንዲሁም እዮብ አለማየሁን በሽመልስ ተገኝ ተተክተዋል።

ጨዋታው በአሸብር ሰቦቃ ዋና ዳኝነት ሲካሄድ ዳንኤል ጥበቡ እና ሙስጠፋ መኪ ረዳቶች ባህሩ ተካ ደግሞ አራተኛ ዳኛ ሆነው ተመድበዋል።