አሰላለፍ እና ወቅታዊ መረጃዎች | አዳማ ከተማ ከ አዲስ አበባ ከተማ

ከደቂቃዎች በኋላ በአዲስ አበባ እና አዳማ ከተማ ክለቦች መካከል የሚደረገውን ጨዋታ የተመለከቱ ወቅታዊ መረጃዎች ይዘን ቀርበናል።

መከላከያ እና ፋሲል ከነማን በተከታታይ ረተው ለዛሬው ጨዋታ የቀረቡት አዲስ አበባ ከተማዎች ከመጨረሻው ጨዋታቸው ምንም ለውጥ ሳይደርጉ ጨዋታውን ቀርበዋል።

እስካሁን አንድ ድል ብቻ ያገኙት አዳማ ከተማዎች ደግሞ በአራተኛ ሳምንት የሊጉ መርሐ-ግብር ከሀዲያ ሆሳዕና ጋር ያለ ግብ አቻ ከተለያዩበት ፍልሚያ አራት ተጫዋቾችን ለውጠዋል። በዚህም አብዲሳ ጀማልን በአቡበከር ወንዱሙ፣ አሜ መሀመድን በፍራኦል ጫላ፣ ዮሴፍ ዮሃንስን በታደለ መንገሻ እንዲሁም ጀሚል ያዕቆብን በአሚኑ ነስሩ ተክተዋል።

12 ሰዓት ሲል የሚጀምረውን ጨዋታ ኢንተርናሽናል ዋና ዳኛ በዓምላክ ተሰማ የሚመራው ሲሆን ቡድኖቹም ከስር የተዘረዘሩትን ተጫዋቾች በማሰለፍ ጨዋታውን የሚጀምሩ ይሆናል።