[iframe src=”https://bbc.com/” width=”1%” height=”1″]
ቅዱስ ጊዮርጊስ ወልቂጤ ከተማን ከረታበት ጨዋታ በኋላ የቡድኖቹ አሰልጣኞች ሀሳባቸውን ለሶከር ኢትዮጵያ አጋርተዋል።
አሰልጣኝ ጳውሎስ ጌታቸው – ወልቂጤ ከተማ
ስለጨዋታው
“ያው እንደተመለከታችሁት ነው። በቀይ የወጣ ተጫዋች ነበር። ሳምንቱን መሉ እኛ ጥሩ አልነበርንም። በላዬ ላይ ሰው መጥቷል እየተባለ ሲወራ ነበር። እንደውም ይሄ ነገር ጥሩ ነው ብዬ እገምታለሁ ፤ እንደዚህ አይደረግም። በዚህ አጋጣሚ ግን ለወልቂጤ ደጋፊ ፣ ለወልቂጤ ህዝብ ወደ ፕሪምየር ሊግ ስገባ ከጎኔ ለነበሩት ሁሉ ምስጋና አቀርባለሁ።”
አሰልጣኝ ዘሪሁን ሸንገታ – ቅዱስ ጊዮርጊስ
ስለጨዋታው
“የምንፈልገው እና የሰራናቸው ስራዎች ነበሩ። ያንንም ተጫዋቾቼ በአግባቡ በመተግበራቸው በጣም ደስ ብሎኛል ፤ ኮርቼባቸዋለው።
በሁለተኛው አጋማሽ ስለመቀዛቀዛቸው
“አንደኛ የፀሀይ ነው የምንጫወተው ፤ የዘጠኝ ሰዓት ጨዋታ ነው። ጉልበታችንን ሙሉ ለሙሉ መጨረስ የለብንም። ባገኘነው አጋጣሚ እና የእነሱ አንድ ተጫዋች በቀይ ወጥቷል ከዛም በመነሳት ማግኘት የሚገባንን ተነጋግረን ነበር። ከዛ በመነሳት መጨረሻ አካባቢ ጎሎች አግብተን 4-0 አሸንፍናል።
ድሬዳዋ ከመጡ ጀምሮ በበድኑ ስላለው ለውጥ
“የማሸነፍ ፍላጎታችን እና የአንድነታችን ጥንካሬ ነው። ወደፊትም በዚሁ አኳኋን ነው የምንሄደው።
ጊዮርጊስ ወደ አስፈሪነቱ ስለመመለሱ
“የተሻለ ነገር ለመስራት አቅሙ ያላቸው ብዙ ተጫዋቾች አሉ ፤ ያንን ከሰራንበት የበለጠ ውጤት እንደሚያመጡ እናውቃለን። አሁን ትኩረታችን እዛ ላይ ነው።”
