ከአንድ ዓመት በኋላ ዳግም ወደ ሊጉ የተመለሰው ኢትዮ ኤሌክትሪክ ቡድኑን የሚመሩ አምበሎችን አሳውቋል።
በአሰልጣኝ ዘሪሁን ሸንገታ እየተመሩ ለዘንድሮ የውድድር ዓመት ቡድናቸውን ለማጠናከር ሽመክት ጉግሳ ፣ ናትናኤል ገብረጊዮርጊስ፣ ሐብታሙ ሸዋለም፣ ፍቃዱ ዓለሙ ፣ በፍቃዱ አስረሳኸኝ፣ ኢዮብ ገብረማርያም፣ አሸናፊ ጥሩነህ እንዲሁም ሌሎች ተጫዋቾችን ወደ ስብስባቸው ሲቀላቅሉ የወሳኝ ነባር ተጫዋቾችን ውል ማራዘማቸው ይታወሳል።
በቢሾፍቱ ከተማ ሲዘጋጁ የቆዩት ኢትዮ ኤሌክትሪኮች በአዲስ አበባ ከተማ ዋንጫ ለፍፃሜ ደርሰው የነበረ ሲሆን አሁን ለዋናው የሊጉ ውድድር ድሬዳዋ ከትመዋል።
ቡድኑን በቀጣዮቹ የሊጉ ጨዋታዎች እንዲመሩ አሰልጣኝ ዘሪሁን ሸንገታ አምበሎቻቸው እነማን እንደሆኑ ሲያሳውቁ በዚህም መሠረት ባለብዙ ልምዱ ሽመክት ጉግሳ ቁጥር አንድ ተመራጫቸው ሲሆን በቡድኑ የከፍተኛ ሊግ ተሳትፎ አምበል የነበረው ጌቱ ባፋ የኤሌክትሪኮች ሁለተኛ አምበል ሆኖ ተመርጧል።
