የኢትዮጵያ ብሔራዊ ቡድን የወቅቱ አምበል የሆነው ጋቶች ፓኖም አዲስ ክለብ አግኝቷል።
ባሳለፍነው የውድድር ዘመን በፋሲል ከነማ የአንድ ዓመት ቆይታ የነበረው የቀድሞ የኢትዮጵያ ቡና፣ ቅዱስ ጊዮርጊስ፣ መቐለ 70 እንደርታ፣ ወላይታ ድቻ እንዲሁም ከሀገር ውጭ በኤል ጎና እና ሀራስ ኤል ሆዳድ ቆይታ የነበረው አማካዩ ጋቶች ፓኖም ኢትዮጵያ መድንን ለመቀላቀል ተስማምቷል።
ከፋሲል ከነማ ጋር የነበረውን ውል አገባዶ ከክለቡ ጋር ከተለያየ በኋላ ከግብፁ ክለብ ኤስማኢልያ ጨምሮ ከበርከት ያሉ ክለቦች ጋር ስሙ ሲያያዝ የቆየው አማካዩ በስተመጨረሻ ከኢትዮጵያ መድንን ለመቀላቀል መስማማቱ ተስምቷል።
በሊጉ የመጀመርያ ጨዋታቸው ከአርባ ምንጭ ከተማ ጋር አቻ የተለያዩት በአሰልጣኝ ገብረመድኅን ኃይሌ የሚመሩት ኢትዮጵያ መድኖች ከቀናት በኋላ ኢትዮ ኤሌክትሪክን የሚገጥሙ ይሆናል።
