ከምሽቱ የኢትዮጵያ ቡና እና ስሑል ሽረ የአቻ ውጤት መቋጫ በኋላ ሶከር ኢትዮጵያ የድህረ ጨዋታ አስተያየትን ከአሰልጣኞቹ ጋር አድርጋለች።
አሰልጣኝ ነፃነት ክብሬ – ኢትዮጵያ ቡና
“ጨዋታው መጥፎ አይደለም ፣ በጠበቅነው ልክ አልነበርንም ነገር ግን ተጋጣሚያችን ይዞት የገባው የጨዋታው መንገድ ተጠቅጥቆ በመከላከል ከዛ በሚነጥቁት ኳስ በመልሶ ማጥቃት መሄድ ነበር የሚፈልጉት ስለዚህ ቀድመውናል። ጎል ቀድመን ማስተናገዳችን በተወሰነ መልኩ ረብሾናል መጨረሻ አካባቢ ሞክረናል በቂ አይደለም ያደረግነው ሙከራ።”
አሰልጣኝ ጌታቸው ዳዊት – ስሑል ሽረ
“ጨዋታው በጣም ጥሩ ነው ፣ ከዕረፍት መምጣታችን በራሱ ትንሽ ተፅዕኖ አድርጎብናል። ሌላው ያገኘነውን ውጤት ጠብቀን አለመውጣታችን ስህተት አለ ፣ ሁለተኛው ከዕረፍት በፊት ያገኘናቸው ዕድሎች ነበሩ ፣ አንድ ሦስት ጎል የሚሆኑ ከሦስቱ ሁለቱ ጎል የሚሆኑ ዕድሎችንም አልተጠቀምንም ፣ በአጠቃላይ ግን ውጤቱ ለሁለታችንም አስፈላጊ ስለነበር እጅግ በጣም ጠንካራ ጨዋታ ነበር።”
