ነብሮቹ ከአራት ጨዋታዎች ጥበቃ በኋላ ድሬዳዋ ከተማን አንድ ለባዶ አሸንፈው ዳግም ወደ አሸናፊነት ከተመለሱ በኋላ የሁለቱም ቡድን አሰልጣኞች ለሶከር ኢትዮጵያ የሰጡት አስተያየት እንደሚከተለው ቀርቧል።
አሰልጣኝ ግርማ ታደሰ – ሀዲያ ሆሳዕና
“ጨዋታው በጣም አሪፍ ነበር። የማሸነፍ አቅማችን አነስተኛ ነበር፤ በየጨዋታው ስህተቶች እየሰራን ተከታታይ ተሸንፈናል። ጫና ነበር ተጫዋቾቹም እኛ ላይም፤ ይሄን ለማስተካከል ይዘነው የገባነው ዕቅድ ነበር። በጣም ደስ ያለኝ ቀድመን ያቀድነው ነገር ተጫዋቾቼ ተግብረውታል።”
አሰልጣኝ ይታገሱ እንዳለ – ድሬዳዋ ከተማ
“ይሄ ነገር እንደሚመጣ አስበን ነበር፤ ያም ደግሞ ሆኗል። በፊት የነበረንን ነገር አጥተናል፤ ያጣንበት ምክንያት ደግሞ ቡድኖች ያሉበት ሁኔታ በተለይም አሁን ያለው መጠጋጋት ብዙ ነው እና አንድ ነጥብ ወሳኝ ነው ብለው የመጡበት መንገድ ተሸንፈናል”።
