አሰልጣኝ ፀጋዬ ኪዳነማርያም በነገው ዕለት ቡድናቸውን ይመራሉ።
ቀደም ብለን ወልዋሎዎች የቀድሞ አሰልጣኛቸውን ፀጋዬ ኪዳነማርያምን አዲሱ አሰልጣኝ አድርገው ለመሾም መቃረባቸውን መግለፃችን ይታወሳል። ዛሬ ደግሞ አሰልጣኙ ክለቡን ለመረከብ ፌርማቸውን በይፋ ማኖራቸው ሲታወቅ በነገው ዕለት ቡድናቸውን እንደሚመሩም ተረጋግጧል። ላለፉት አራት ቀናት ወደ ድሬዳዋ በማምራት ቡድኑን በማዘጋጀት ላይ የሰነበቱት አሰልጣኝ ፀጋዬ በዛሬው ዕለት በኢትዮጵያ እግር ኳስ ፌደሬሽን ጽሕፈት ቤት በመገኘት ፊርማቸውን ካኖሩ በኋላ በአሁኑ ሰዓት ውድድሩ ወደ የሚካሄድበት ድሬዳዋ ከተማ አቅንተዋል።
ከስድስት ጨዋታዎች ነጥብ መሰብሰብ ያልቻሉት እና በሊጉ ግርጌ የሚገኙት ወልዋሎዎች በነገው ዕለት አርባምንጭ ከተማን ይገጥማሉ።
