ኢትዮ ኤሌክትሪክ እና መቻል ነጥብ ከተጋሩበት ከምሽቱ ጨዋታ መጠናቀቅ በኋላ የሁለቱ ቡድን አሰልጣኞች ከሶከር ኢትዮጵያ ጋር ቆይታ አድርገው ተከታዩን ብለዋል።
አሰልጣኝ ዘሪሁን ሸንገታ – ኢትዮ ኤሌክትሪክ
”ጠንካራ ጨዋታ ነው ሁሌ የሚገጥመን ሁሉም ከእኛ ጋር ሲጫወት ጠንካራ ሆኖ ይቀርባል። ባለቀ ደቂቃ ፍፁም ቅጣት ምት ቢቆጠርብንም ጥሩ ነገር ተጫዋቾቼ ስላደረጉ በተጫዋቾቼ በጣም ኮርቻለሁ። ነገ ከፊታችን ሌላ የተሻለ ከባድ ጨዋታ አለ ለዛ እንዘጋጃለን።”
አሰልጣኝ ገብረክርስቶስ ቢራራ – መቻል
”ጨዋታ ዘጠና ደቂቃ እና ተጨማሪ ስለሆነ ተጨማሪ ሆነም አልሆነም የጨዋታው አካል ነው ስለዚህ በጨዋታው ነው ያስቆጠርነው። ጠንካራ ጨዋታ እንደሚሆን ቀድመንም እናውቃለን። ከመጀመሪያ ጀምሮ ያባከንናቸው ጎሎች ናቸው ወደዚህ የወሰዱን። አጨራረሳችንን ማስተካከል አለብን።”
