👉 “ከጨዋታ ጨዋታ ቡድናችን ላይ እድገት እያየን ነው።” አሰልጣኝ ደግአረገ ይግዛው
👉 “ዓምና ከነበረን ነገር አንፃር አሁን ያለንበት ሁኔታ እኛን የሚመጥን አይደለም።” አሰልጣኝ በጸሎት ልዑልሰገድ
ባህር ዳር ከተማ ከአስደናቂ የሜዳ ላይ እንቅስቃሴ ጋር የዓምናውን ቻምፒየን ኢትዮጵያ ንግድ ባንክ ከረታበት ጨዋታ መጠናቀቅ በኋላ የሁለቱ ቡድኖች አሰልጣኞች ተከታዩን ሀሳብ ለሶከር ኢትዮጵያ ሰጥተዋል።
አሰልጣኝ ደግአረግ ይግዛው – ባህር ዳር ከተማ
“ተጫዋቾቻችን በሙሉ የጨዋታ ጊዜ ያላቸውን 100% ሰጥተው ተጫውተዋል ፤ ከጨዋታ ጨዋታ ቡድናችን ላይ እድገት እያየን ነው በተለይም የተገኙ የግብ ዕድሎችን ከመጠቀም አንፃር ያለብንን ክፍተት በተወሰኑ መልኩ የቀረፍንበት ጨዋታ ነበር።”
አሰልጣኝ በጸሎት ልዑልሰገድ – ኢትዮጵያ ንግድ ባንክ
“በጨዋታው አልተደሰትኩም ፤ ጥሩ አልነበርንም። እንደ አጠቃላይ የመከላከል አደረጃጀታችን መስተካከል ይፈልጋል። ዓምና ከነበረን ነገር አንፃር አሁን ያለንበት ሁኔታ እኛን የሚመጥን አይደለም።”
