👉 “ተጫዋቾችን ወደኋላ አፈግፍገው መጫወታቸው ለተጋጣሚ ምቹ ሁኔታ ፈጥሯል።” አሰልጣኝ ያሬድ ገመቹ
👉 “በሸገር ደርቢ ጥሩ ቡድን ይዘን ወደ ሜዳ እንመጣለን ብዬ አስባለሁ።” አሰልጣኝ ፋሲል ተካልኝ
ፈረሰኞቹ በሁለተኛው አጋማሽ በተገኙ ግቦች የጦና ንቦቹን ከረቱበት ጨዋታ መጠናቀቅ በኋላ የሁለቱ ቡድኖች አሰልጣኞች ተከታዩን ሀሳብ ለሶከር ኢትዮጵያ ሰጥተዋል።
አሰልጣኝ ያሬድ ገመቹ – ወላይታ ድቻ
“ጨዋታው ሁለት ዓይነት መልክ ነበረው። እስከ ዕረፍት ባለው ጥሩ ዕድሎችን ፈጥረን ጥሩ ተጫውተን ነበር። በመጨረሻዎቹ ደቂቃዎች በተፈጠሩ የመከላከል ስህተቶች ግብ ተቆጥሮብን ተሸንፈናል። ተጫዋቾችን ወደኋላ አፈግፍገው መጫወታቸው ለተጋጣሚ ምቹ ሁኔታ ፈጥሯል።”
አሰልጣኝ ፋሲል ተካልኝ – ቅዱስ ጊዮርጊስ
“ከመጀመሪያውም ስንመጣ ከባድ ጨዋታ እንደሚገጥመን አውቀናል ፤ ምክንያቱም እኛ በሦስት ቀን ልዩነት ነው የተጫወትነው ተጋጣሚያችን ግን በቂ ጊዜ ነበረው። በመጀመሪያው አጋማሽ ተጫዋቾቻችን ለጨዋታው የሰጡት ግምት ጫና ውስጥ እንዲሆኑ አድርጓቸዋል። በሸገር ደርቢ ጥሩ ቡድን ይዘን ወደ ሜዳ እንመጣለን ብዬ አስባለሁ።”
ሙሉውን ለማድመጥ – Link
