👉 “ሰበብ ባይሆንም የፈለግነውን ጨዋታ ለመጫወት የሜዳው ምቾት አለመኖር ትንሽ ችግር ፈጥሮብናል።” አሰልጣኝ ይታገሱ እንዳለ
👉 “ለድሉ ተጫዋቾቻችን ከሚገባው በላይ ከፍተኛ ጥረት አድርገዋል።” አሰልጣኝ ውበቱ አባተ
በ17ኛ ሳምንት የመጨረሻ መርሐግብር ዐፄዎቹ ብርቱካናማዎቹን 2ለ1 ካሸነፉበት ጨዋታ በኋላ የሁለቱም ቡድኖች አሰልጣኞች ተከታዩን አስተያየት ስጥተዋል።
አሰልጣኝ ይታገሱ እንዳለ – ድሬዳዋ ከተማ
“ኳስን መሠረት ያደረገ ጨዋታ ነበር። ጥሩ ጨዋታ ነበር ለማለት ሁሌም ስታሸንፍ ነው ቢሆንም ግን መጥፎ ጨዋታ አልነበረም። ድሬዳዋ ሜዳ ለእኛ ምቹ ነበር ፤ እዚህ ግን ኳስ በዚህ ደረጃ ከነጠረ የሜዳው ነገር አሳሳቢ ነው ፤ የምትፈልገውን ነገር ለመተግበር ትቸገራለህ። ሰበብ ባይሆንም የፈለግከውን ጨዋታ ለመጫወት የሜዳው ምቾት አለመኖር ትንሽ ችግር ፈጥሮብናል።”
አሰልጣኝ ውበቱ አባተ – ፋሲል ከነማ
“ከባድ ጨዋታ ነበር። በሁለታችንም በኩል ይሄ ነጥብ በጣም አስፈላጊ ነበር። ለድሉ ተጫዋቾቻችን ከሚገባው በላይ ከፍተኛ ጥረት አድርገዋል። ቀድመን ጎል ማስቆጠራችን ደግሞ የበለጠ ጨዋታውን እንድንቆጣጠር አግዞናል። ለእኛ ትልቅ ቀን ነው ፤ ጥሩ ጨዋታ ነው። ፋሲልን እንደቀደመ ዝናው ካየነው አሁን ያለንበት ቦታ ለእኛም ለደጋፊያችንም የሚመጥን ቦታ አይደለም ፤ በተቃራኒው ደግሞ ቲሙ በርካታ ጉዳቶች አስተናግዷል ፣ የስኳድ ጥበት አለ እና ከዛ አንጻር ከዕለት ዕለት የምናያቸው መሻሻሎች አሉ።”
ሙሉውን ለማድመጥ – LINK
